चुनाबकोलागि खटियका सेनाको गाडी धनकुटा भेडेटारमा दुर्घटना ११ जना सेना घाइते

भिडियो हेर्न यहाँ क्लिक गर्नु होला

३ कात्तिक, धनकुटा । धनकुटाको भेडेटार नजिकै नेपाली सेनाको गाडी दुर्घटना हुँदा ११ जना घाइते भएका छन् । उनीहरु मध्ये २ जनाको अवस्था गम्भीर छ ।
चुनावी सुरक्षाका लागि पूर्वी पृतना इटहरीबाट सेना लिएर धनकुटा प्रस्थान गरेको लु १ ग ९६ नम्बरको सैनिक ट्रक आइतबार दिउँसो भेडेटारबाट मुलघाटतर्फ ओरालो लाग्दा कार्कीछाप नजिकै ब्रेक फेल भएर दुर्घटना भएको हो । इटहरीस्थित सैनिक स्रोतका अनुसार अनियन्त्रित ट्रकलाई भिरतर्फ खस्न नदिन चालकले भित्तामा ठोक्काएका थिए । त्यसक्रममा मोटरसाइकललाई ठक्कर दिएको थियो ।
दुर्घटनामा ट्रकका अगाडि बसेका क्याप्टेन र चालक केही गम्भीर घाइते भएका छन् । उनीहरुको धरानस्थित वीपी कोइराला मेमोरियद अस्पतालमा उपचार भइरहेको छ । अन्य घाइतेको अवस्था सामान्य रहेको छ भने मोटरसाइकल चालक पनि घाइते छन् ।
चुनावी सुरक्षाका लागि तीन बटा ट्रकमा सेना धनकुटा गएको थियो । आगामी मंसिर ४ गते हुने संविधानसभा निर्वाचनको सुरक्षाका लागि आइतबारबाट देशभर नेपाली सेना परिचालन भएको छ ।

भिडियो हेर्न यहाँ क्लिक गर्नु होला