 |
५ भदौ, काठमाडौं । इपिएस मार्फत दक्षिण कोरिया जनाको लागि आज बाट भाषा सिक्नको लागि फर्म भर्नेको भिड लागेको छ लागि आजदेखि भाषा परिक्षाको फारम खुल्ला भएको छ । फारम भर्नका लागि राजधानी र राजधानी बाहिर रहेका केन्द्रहरुमा यूवाहरुको ठूलो भिड लागेको
छ ।
छ ।
सरकारले राजधानीभित्र सिद्धार्थ वनस्थली इन्स्टिच्युट वनस्थली, ज्ञानेश्वरमा रहेको सानो गौचरन खेलमैदान, ल्याबरोटरी माध्यमिक विद्यालय बल्खुबाट फारम भर्ने व्यवस्था गरेको छ । राजधानी बाहिर धरानमा रहेको सभागृह र बुटवलको प्रदर्शनी मण्डपमा फारम भर्ने व्यवस्था गरिएको श्रम तथा रोजगार मन्त्रालयले जानकारी दिएको छ । सबै केन्द्रहरुमा फारम भर्न आउने यूवाहरुको भिडभाड नियन्त्रण गर्न सुरक्षाकर्मी र स्वयम सेवकहरुलाई हम्मे-हम्मे परेको देखिन्छ ।
आजदेखि फारम भर्ने व्यवस्था गरिएको भएपनि यूवाहरु रातीदेखि नै लाइन बस्न आएका थिए । अघिल्लो पटक १२ सय रुपैयाँमा पाइएको फारमलाई अहिले २ हजार ३ सय ७६ रुपैयाँ बुझाउनुपर्छ । प्रत्येक फारम केन्द्रमा सयजनाको दरले कर्मचारी खटाइएको भएपनि यूवाहरुको बाक्लो भिडका कारण व्यवस्थापन गर्न अप्ठ्यारो परेको सुरक्षाकर्मीहरुले बताए ।
आजदेखि खुलेको फारम ४ दिनसम्म भर्न पाइने छ । यस वर्ष कोरियाले नेपालका लागि ८ हजार २ सय कोटा छुट्टाएको छ । जसमध्ये कृषि तथा पशुपालनमा ३ हजार ६ सयजना र उत्पादनमुलक क्षेत्रमा ४ हजार ६ सय युवालाई भाषा परिक्षामा उर्त्तिण गराइने छ । भाषा परिक्षामा १८ वर्षदेखि ३९ वर्षसम्मका यूवाहरुले मात्र परिक्षामा भाल लिन पाउनेछन् ।
श्रम विभागले यस पटक ७० हजार यूवाहरुले भाषा परिक्षाका लागि फारम भर्ने अनुमान गरेको भएपनि आजको भिडभाड हेर्दा त्यो भन्दा मथि पुग्न सक्ने इपिएस नेपाल शाखाले बतायो । गतसाल ६० हजारजना भाषा परिक्षामा सहभागी भएका थिए । भाषा परिक्षामा सहभागीमध्ये सबैभन्दा बढी नम्बर ल्याउने यूवाहरुबाट ८ हजार २ सयजना छानेर कोरियाले रोजगारदाताहरुलाई सिफारिस गर्ने छ ।
भाषा परिक्षाबाट छानिएका यूवाहरु कोरियामा काम गर्न जान योग्य हुनेछन्, तर कामको ग्यारेन्टी भने हुने छैन् । अघिल्लो पटक भाषा परिक्षामा पास हुने १५ हजार भन्दा बढी यूवाहरुमध्ये ६५ सय यूवाहरु काम गर्न जान पाएनन् । गैरकानुनी रुपमा लुकेर बस्ने परिपाटी बसेपछि भाषा परिक्षामा पास हुने धेरै यूवाहरु कोरिया जान बञ्चित भएको कोरियास्थित नेपाली दुतावासले जनाएको छ । भाषा परिक्षा पास गरेपनि गैरकानुनी ढंगबाट कोरिया बसेर आएका यूवाहरुलाई कोरियाले पुनः काम गर्ने मौका दिँदैन् ।
|
|
No comments:
Post a Comment
के छ तँपाईको प्रतिक्रिया याहाँ दिनुहोला ताजा ताजा समाचार मुजिक भिडियो हेर्न तथा विभिन्न जानकारीमुलक गधीबिधिहरु हेर्न रामेछाप सैलुङस्वोरी भिजिट गर्नुहोला