भिडियो हेर्न यहाँ क्लिक गर्नु होला
|
 |
बेल्जियम, कात्तिक १ – दशैं तिहार विशेष सांस्कृतिक कार्यक्रम प्रस्तुतिको लागि धेरै नेपाली कलाकारहरु अहिले विदेशमा छन् ।
हाँस्य कलाकारदेखि फिल्मी कलाकार तथा विभिन्न विधाका गायक गायीका अहिले युरोप भ्रमणमा छन् । कलाकारहरु केदार घिमिरे, विल्सन विक्रम राई, गायकहरु रोज मोक्तान, दिपक बज्रचार्य र नायिका झरना थापा, कस्तो रह्यो त उनीहरुको युरोप भ्रमण ? उनीहरुकै शब्दमा :
विल्सनविक्रम राई
मलाई जन्म दिने बुबा नेपालमै हुनुहुन्छ । तर केदार घिमिरे (माग्ने बुढा) चाहिँ मेरो कर्म दिने बुबा हुनुहुन्छ । माग्ने बुढाले जन्माएको यो तक्मे बुढो आज युरोप टुरमा छ । यसरी मेरो नाम संसार भरिका नेपाली माझ परिचित गराइदिने बाउ उहाँ नै हुनुहुन्छ । कलाकारिताको क्षेत्रमा माग्ने बुढा हुदैँनथ्यो भने तक्मेबुढोले यसरी युरोप टुरमा हिँड्ने मौकै पाउदैनथ्यो ।
युरोपको बेल्जियममा पहिलो शो गरियो । यहाँका नेपालीहरुले भरपूर मनोरञ्जन लिए । सबै खुसी हुनुभएको छ । हाम्रो यात्रा २ महिनाजतिको छ । यो समय भित्र युरोपका धेरै देशहरुमा जाने हाम्रो योजना छ ।
केदार घिमिरे
बेल्जियमको पहिलो शो निकै राम्रो भयो । दर्शकहरु निकै हाँस्नुभयो । उहाँहरु हास्नु भनेकै हामी सफल भयौँ भन्ने बुझेका छौँ । उहाँहरुको निकै माया पायौँ । रमाइलो भईरहेको छ । अर्कोतर्फ हाम्रो टिमले मेरी बास्सै आउन्जेल अर्को कुनै पनि नगर्ने भन्ने सम्झौता गरेका छौँ ।
जीवन शर्मा
यहा धेरै नेपालीहरुले १० देखि १२ घन्टासम्म काम गर्दा रहेछन, उनीहरुका सुखदुखहरुसँग मेरा गीतहरु बढी मात्रामा मेल खाएको मैले भेटे । बेल्जियम र डेनमार्कमा मैले आफ्नो प्रस्तुति देखाई सकें ।
बेल्जियमको तुलनामा डेनमार्कमा कार्यक्रम राम्रो भयो । राम्रो प्रतिक्रिया पायको छु । सिमली छायामा, फोकल्याण्डको टापुबाट, झरनाको चिसो पानी बोलका गीतहरुले धेरै नेपालीहरुको मन छोएको मैले अनुभब गरें । बेल्जियम रहेका नेपालीहरुको माया उत्तिकै रहेको छ ।
झरना थापा
पहिलो पटकको भ्रमण भएकोले एकदम उत्सुक छु । मलाई झरना थापा भन्दा पनि बाह्र हाते पटुकी गीतमा नाच्ने नायिका भनेर चिनि दिँदा धेरै खुसि लागेको छ । मा यो गीतलाई रास्ट्रिय परिचय बोकेको गीत भन्न चाहन्छु । दशैंको दिनमा पहिलो शो भएको थियो राम्रो रेस्पोन्स पाएको छु ।
पहिलो कार्यक्रमलाई हेर्दा अन्य देशरुमा पनि राम्रो हुनेछ भन्ने लागेको छ । आफनै चलचित्र फेसबुक प्रदर्शन गर्ने मेरो योजना छ । बिदेशमा यसरी कार्यक्रम गर्दा कलाकारहरुलाई माया गर्ने आफ्नै माटोको अपनत्व पाएको छु । खुसि लागेको छ ।
दिपक बज्रचार्य
सधैं हुने भ्रमण भन्दा यो पटकको अलि फरक खालको रहेको छ्र मेरो भ्रमण । युरोप भ्रमण पहिलो हो मेरो । २ महिनाको बसाइमा सकेसम्म धेरै कार्यक्रम गर्ने योजनामा छौं । नेपालका सबै संस्कृतिक बाजाहरुको बारेमा बनाएको ‘क्राइम अफ रिदम’ शीर्षकको डकुमेन्ट्री प्रदर्शन गर्ने छु । यो नेपालीहरुका लागि भन्दा पनि बढी बिदेशीहरुका लागि केन्द्रित छ । अंग्रेजीमा रहेको यो डकुमेन्ट्रीले बिदेशी माझ नेपाली बाजागाजाहरुको बारेमा पूर्ण जानकारी दिनेछ । यसबाट उठेको रकम काठमाडौँमा खोल्न गईरहेको परम्परागत बाजाहरुको संग्रहालयका लागि उपयोग गरिने छ ।
युरोपको पहिलो शो प्रस्तुत गरें, नेपालीहरुले पुराना पुराना गीतहरु निकै मन पराउनुभयो । युरोपमा जहा धेरै नेपालीहरु छन्, ती देशमा रहेका नेपाली र बिदेशी माझ कार्यक्रम गर्ने हाम्रो योजना छ । जसका लागि हामीलाई नेपाली आर्टिस्ट फोरम युरोपले सहयोग गरिरहेको छ ।
रोज मोक्तान
अब हाम्रो यात्रा स्विस, डेनमार्क, स्पेन, जर्मनी, पोर्चुगललगायतका देशहरुमा रहनेछ । व्यक्तिगत रुपमा भन्नु पर्दा यो यात्रा मेरो पहिलो यात्रा हो । हामीले अहिलेसम्म गरेका कार्यक्रमहरुबाट नेपालीहरुको प्रशस्त माया पाएका छौं । म अहिलेसम्म गायन पेसामा नै समर्पित छु्र भबिष्मा नेपालमा आफ्नै स्टुडियो खोल्ने मेरो योजना छ । युरोप यात्राका सुरुवाती दिनहरु सोचे भन्दा उपलब्धिमुलक छन् ।
भिडियो हेर्न यहाँ क्लिक गर्नु होला
नाम ठूलो कि दाम ठूलो? इज्जत हुनेहरू, भविष्य देख्नेहरू र सकारात्मक सोच भएकाहरूका लागि त नाम नै ठूलो हो। तर, केही यस्ता पनि छन् जो भविष्यको बारेमा सोच्दैनन् र तुरुन्त जवाफ दिइहाल्छन् दाम ठूलो।दामलाई सर्वोपरी ठान्ने र दाम पाएपछि कलाकारिताको नाममा जे गर्न पनि तयार हुने एउटी युवती हुन् पुजाना प्रधान तर अहिले पुजाना स्त्री। दार्जिलिङकी पुजनाको काठमाडौं प्रवेशपछि बोलीचाली, लवाइखवाई मात्र होइन कि नाम पनि फेरियो। तर, सोच भने फेरिएन। त्यही सोचकै कारण एउटै चलचित्र ‘हिरो’बाट चलचित्रमा प्रवेश गरेकी पुजना र रेखामध्ये आज पुजना हजारका लागि मरिमेटिरहेकी छिन् तर रेखा लाखौँमा खेल्छिन्। यस्तो चर्चा र दामका लागि सिनेमामा जस्तो दृश्य पनि दिने पुजना यतिबेला भने दर्शकहरूबाट टाढिएकी मात्र छैनन् कि अहिले उनको पोस्टरमा नै दर्शकहरूले थुक्न थालेका छन्। कुरा चलचित्र ‘रक्षा’को हो। काठमाडौंको बालाजुमा रहेको अष्टनारायण हलमा ‘रक्षा’ हेर्न आएका अधिकांश दर्शकले फिल्म हेरेर फर्किएपछि पोस्टरमा नग्न रूप देखिएकी पुजनालाई थुकेका दृश्य निकै हेर्न लायकको थियो। ‘अब त यस्तीको कुनै पनि फिल्म हेर्नुहुन्न। यस्तो फिल्म बनाउने निर्माता पवन बस्नेत र निर्देशक राजु गिरीलाई पनि धिक्कार छ।’ त्यही हलमा लागेको अर्को चलचित्र ‘रिदम’लाई दर्शकहरूले स्वीकार गरेको र रक्षालाई बहिष्कार गरेको दृश्य हेर्न लायकको थियो। यस्ता केही ‘सी गे्रड’का चलचित्रका कारण पनि स्वच्छ नेपाली चलचित्रलाई पनि असर पर्ने गरेको कुरा यतिबेला बहसको विषय बनेको छ। चलचित्र रक्षामा पट्यारलाग्दा करिब पाँच मिनेटको बेडसिन दिँदा पुजनाको अनुहारमा कुनै सङ्कोच र ग्लानि झल्केको छैन। बरु उत्साहित भएर त्यस्ता दृश्य दिएकी छिन्। नयाँ कलाकारले पनि नखेलेको यो रोल पैसाका लागि पुजनाले खेलेको कुरा भने पक्का भएको छ।
कमेन्ट