 |
१३ भदौ, धरान । संविधानसभा निर्वाचनको मिति नजिकिंदै जाँदा नेपाली काँग्रेस समाजमा पपुलर अनुहारलाई पार्टी प्रवेश गराएर गिरेको साख फर्काउने अभियानमा लागिरहेको छ । उसैको भातृ संगठन तरुण दलका धरान नगरसभापति देवेन्द्र लिम्बु चाहिं बुधबार सुनसरीको पाँचकन्या गाविस ८ मा पर्ने बसन्तटारमा सुँगुरको खोरभित्र भेटिए ।
‘हाउ, त्यो फोहोरमा के गरिँदै छ ?’ नेपाली काँग्रेसको आदिवासी विभागका केन्द्रीय सदस्य समेत रहेका देवेन्द्रलाई चिन्नेहरु बाटैबाट सोध्दै थिए ‘चुनावको बेलामा पार्टी छाड्नुभयो कि कसो ?’
pig
देवेन्द्र पनि के कम । उही शैलीमा खोरभित्रैबाट जवाफ फर्काए ‘पार्टीको खोल ओढेर पैसा उठाउन र ठेक्का पट्टा गर्न मन लागेन, लागियो है आफु त सुँगुर पालनतिर । बाँच्नु त पर्यो नि ।’
राजनीतिमा सक्रिय देवेन्द्र ६ महिनायता तिनै सँगुरका पाठा, कुखुराका चल्ला र अकबरे खोर्सानी स्याहार्न व्यस्त छन् । भर्खर बनाएको सुँगुरको खोरमा अहिले सातवटा विभिन्न जातका पाठा हालेका छन् । कुखुरा भने जम्मा एक हजार छन् । अहिलेसम्म १५ लाख लगानी गरिसकेका उनले यो फारममा २२ लाख लगानी गर्ने योजना बनाएका छन् । ०५७ देखि ०६६ सम्म लगातार राष्ट्रिय बक्सिङ खेलेका उनी भन्छन् ‘राजनीतिसँगै व्यवसाय अघि बढाउँछु । पछि ससेस फ्याक्ट्री खोल्ने लक्ष्य छ ।’
|
|
No comments:
Post a Comment
के छ तँपाईको प्रतिक्रिया याहाँ दिनुहोला ताजा ताजा समाचार मुजिक भिडियो हेर्न तथा विभिन्न जानकारीमुलक गधीबिधिहरु हेर्न रामेछाप सैलुङस्वोरी भिजिट गर्नुहोला