 |
भोजपुर, वैशाख १० - साउदीबाट नेपाल फर्कने क्रममा अध्यागमनमा कार्यरत प्रहरी हवल्दार परशुराम बस्नेतद्वारा बलात्कृत सीता राईको जवरजस्ती करणी मुद्दामा काठमाडौँ जिल्ला अदालतले गरेको फैसलाप्रति उनका परिवारले असन्तुष्टी जनाएका छन् ।
काठमाडौं जिल्ला अदालतका न्यायाधीश विष्णुप्रसाद कोइरालाको इजलासबाट सोमबार भएको फैसलामा पीडकलाई पाँच वर्ष ६ महिना कैद र रु ५० हजार क्षतिपूर्ति जरिवाना सुनाइएको थियो ।
भोजपुरको गाउँमा बस्दै आएका सीता र उनका परिवारले फैसलाबारे टेलिफोनबाट थाहा पाएपछि सो प्रतिक्रिया दिएका हुन् । सीताका बुबाले भने, “रक्षक भनिने नेपाल सरकारको प्रहरीबाट नै यस्तो घटना घट्दा मलाई चित्त बुझेको छैन । छोरीको बेइज्जतीलाई सम्झिने हो भने त चित्त बुझ्दै बुझ्दैन ।”
अब पुनरावदेन गर्नु हुन्छ कि हुन्न त भन्ने प्रश्नमा भने उनले सोचेर र आफूलाई सहयोग गर्नेहरुसँग छलफल गरेर निर्णय गर्ने बताए । पीडित सीताले भने दोषीलाई अझ कडा कारबाही भए हुन्थ्यो भन्ने प्रतिक्रिया दिए ।
सोमबार भएको अन्तिम बहसमा सरकारी वकिलको तर्फबाट जुद्धबहादुर आले मगर, आदीवासी महिला कानुनी सचेतना समूहका तर्फबाट अधिवक्ता लक्ष्मी राई र अर्का अधिवक्ता इन्दिरा श्रेष्ठ मगरले बहस गरेका थिए ।
“मलाई पनि यो फैसला प्रति त्यति चित्त बुझेको छैन । घर परिवारले के भन्नु हुन्छ थाहा छैन तर फैसलाले अपराध भएको ठहर भएको छ” –फैसलापछि अधिवक्ता राईले टेलिफोनमा कुराकानी गर्दै राससलाई बताए । आर्थिक अवस्था नाजुक रहेका सीता र उनका परिवार गाउँमै खेती किसान गरेर जीविकोपार्जन गर्दै आएका छन् ।
पैसा कमाउन र घर परिवारलाई सुख शान्ति दिन भन्दै साढे तीन वर्षअघि सीता साउदी गएकी थिइन् । साउदीबाट घर फर्किने क्रममा त्रिभुवन विमानस्थलमा नै पैसा लुटिएपछि रुँदै बसेकी सीतालाई प्रहरी हवल्दार बस्नेतले घर पठाइदिने बहानामा एक होटलमा लगेर जवरजस्ती गरेका थिए । रासस
|
|
No comments:
Post a Comment
के छ तँपाईको प्रतिक्रिया याहाँ दिनुहोला ताजा ताजा समाचार मुजिक भिडियो हेर्न तथा विभिन्न जानकारीमुलक गधीबिधिहरु हेर्न रामेछाप सैलुङस्वोरी भिजिट गर्नुहोला